« N’ot pas aleit li damoisiaz Hervis

Contremont Marne .x. arpans et demi,

1244

Quant il encontre les escuiers gentis

Qui en amoinne[nt] la bele Bïautrix,

Comme por vandre a la foire a Ligni.

…

Un cercle d’or ot sor son chief assiz ;

1252

Comme por vandre la moinne[nt] a Ligni27 ».

Hervis de Mes, éd. J.-Ch. Herbin, Genève, Droz, 1992.

« De Geronvile se sont tot a plain mis,

1936

Trestot en órdene ausi com por ferir.

…

4240

Trestoute riens com pour gent aaisier

Refont as nés toute jour kariier. (var. S)

…

Garniers mes sires m’i a fait envoiier

21466

Com pour savoir s’il se doit d’yaus gaitier ». (var. S)

Anseys de Gascogne, éd. J.-Ch. Herbin et A. Triaud, Paris, Champion, sous presse.

[…]

10475

« Sire, par moi vous mande, a celer ne vous quier,

1 r^o a

Que vous alés a lui parler et plaidoier,

Car n’a decha la mer haut homme ne princier,

Por tant qu’il croie Dieu le Pere droiturier,

Qui ne soit a son mant venus por cortoier,

10480

Car il vaura porter la corone d’or mier

A ceste Ascentïon quë on doit festiier ».

Quant Tangrés l’entendi, color prist a cangier ;

Ne respondi nul mot, ains commence a bro[n]cier

Et dist a soi meïsmes que nus ne l’ot plaidier :

10485

« Hé las, com sui honis ! com porrai esploitier ?

Deshonorés me sui tot par mon fol quidier,

Qui voloie autrui terre33 avoir et calongier,

Dont je n’estoie sires në oir në iretier,

Et mal gré sien voloie tel feme nochoier

10490

Qui n’avoit de moi cure ne de mon dosnoier.

10491

Et quant el34 ne me vaut, si le fis assegier,

10493

Par ce sui mescreüs del bon roi droiturier

Godefroi le vaillant, le bon roi au vis fier.

10495

Tot ce m’a fait Eracles, le traïtor murdrier,

10496

Qui me loa mon mal et mon grant encombrier.

a

Bien m’en doit mescaïr, par le cors saint Ricier,

b

Quant le conseil creï del traïtor lanier ;

c

Et quant li consenti, on me devroit noier,

d

Qu’il enerba le roi que j’avoie tant cier.

e

Mon més li envoiai por l’affaire noncier

f

Et por ce que sa mort l’i quidai respitier,

g

Mais trop tart i ala, ce ne li ot mestier,

h

Trop se hasta Eracles, que Diex puist vergoignier,

i

<?>35 averai por lui .i. dolereus loier,

10497

Car Bauduïns me mande, jel sai bien sans quidier,

a

Por moi faire morir et por moi escillier ;

10498

Por chou a assamblé tant prince et tant rentier,

10499

Car bien quide li rois, et il et si maisnier,

10500

Que jou aie enerbé son frere au cors legier.

Lués que g’iere montés en son palais plenier,

M’apelera de murdre por moi plus avillier.

Mais, par cel saint Signor qui tot a a jugier,

J’<enc>userai36 Eracle, si avra son loier

10505

De sa grant traïson, car jel ferai lancier

Dedens .i. fu d’espines, ardoir et greeillier ».

10509

Tot37 ensement Tangrés par lui se dementa,

10510

Et jure le Signor q<ui>38 sa mort pardona

10513

K’Eracle le felon tantost encusera

a

Quë il verra le roi, ja ne li celera

La traïson qu’a faite, achater li fera,

10515

Et së il le renoie, maintenant s’armera,

1 r^o b

A son branc aceré connoistre li fera.

10518

A iceste parole en estant se drecha

Et a dit au message qu’a Jhersalem ira.

10521

Del palais descendi, isnelement monta,

Dusqu’a.c. chevaliers avoeques lui mena,

Droit vers Jherusalem li quens s’acemina,

Tant chevaucha li quens qu’en la cité entra,

10525

Dusqu’al maistre palais onques ne s’aresta.

As degrés descendi, en la grant sale entra,

Et trova les barons qui furent venu la

Et le roi Bauduïn qui gaires ne l’ama.

Atant es vous Tangré qui le roi salua :

10530

Quant li rois l’entendi, tous li sans li mua,

Mot ne li respondi ne mot ne li sona,

Ains enbroncha vers terre et quant il se drecha,

Les barons et les princes Bauduïns apela :

« Signor, conseilliés moi, por Dieu qui tot forma,

10535

Que doi faire de l’homme qui mon frere ocis m’a ?

En mortel traïson li cuvers l’enerba,

Et s’estoit ses drois sires k’ommage li jura.

Se son nom ne savés, je le vous dirai ja :

C’est Tangrés li Puillois, qui ce murdre fait a.

10540

Mais, par cel saint Signor qui sa mort pardona,

Jo le ferai destruire u il se desfendra

De ceste traïson que li fel bastie a.

Vers lui le proverai, ja par el n’en ira ».

10544

Ensi dist Bauduïns que Tangré conquerra,

a

Cors a cors en .i. camp a lui se combatra,

10545

Et se vaintre le puet, tantost le pendera39 ;

Et se Tangrés le vaint, sa mort li pardonra,

Et s’en face justice tele com lui plaira.

10548

Quant Tangrés l’entendi, a poi qu’il ne derva ;

U qu’il voit Bauduïn, fierement dit li a :

« Bauduïns, tort avés, et paroir vous porra,

Que, par icele crois, la ou Diex s’aombra,

10554

Ne par le saint Sepulcre, leu il resuscita,

a

Ne par icele Virge qui Jhesu Crist porta,

10555

C’onques rois Godefrois par moi ne devïa

10556

N’onques ne le haï n’ains ne me corrocha ! »

« Bauduïns40, dist Tangrés, vous faites mesproison

10558

Quant vous me metés sus si grande traïson41,

10560

Mais, par cel saint Signor qui soffri Passïon

a

Ens en la sainte crois por no sauvatïon42,

10561

C’onques43 n’ot mal par moi Godefrois de Buillon :

10563

A vous m’en combatrai cors a cors a bandon

10564

Sor mon destrier armés por moi faire preudom,

1v^oc

10567

Et jo proi le Signor qui Longis fist pardon,

a

Por quele amor g’issi fors de ma norrechon,

10568

Que, s’ains ot mal par moi n’anui ne marison

10569

Li bons rois Godefrois a qui jou estoie hom,

10570

K’anchois quë il soit vespres en aie guerredon !

10572

Certes, si avrai jou së il i a raison,

10573

Mais bien sai qui ce fist, ja nel vous celeron :

a

Li uns de cels le fist, par le cors saint Simon,

b

Que li rois amoit plus de cels de sa maison.

10574

Se le volés oïr, je vous dirai son nom44 :

10608

« Seignor45, ce dist Tangrés, par tous les sains c’on proie,

10610

Il me fist creanter, por coi le celeroie,

Que de riens qu’il fesist ja ne l’encuseroie

Ne riens que me desist a homme ne diroie,

Anchois a mon pooir tous jors l’en aideroie.

Et je li creantai comme fols que j’estoie,

10615

Car de sa traïson garde ne me donoie.

Lors me dist li traïtres, que vous en mentiroie,

Que le roi haoit trop, dont je me mervilloie,

Et qu’il l’enerberoit se je ne l’enherboie.

Quant j’oï le gloton, tous m’en esbahissoie,

10620

<Qu’i>l46 dist qu’aprés le roi cest roiaume tenroie

Et Florie la bele a moillier prenderoie,

Ne que ja de vo part destorbés n’en seroie,

Qu’il vous feroit ocire, ja blasme n’en avroie,

A la paiene gent qui Jhesu Crist renoie.

10625

Molt en fui corrociés et forment li blasmoie,

Et si jurai Jhesu, qui tot le mont ravoie,

Que ja vers mon signor traïson ne feroie,

10630

Mais por ma foi sauver son bon consentiroie.

10631

Desfendu li eüsse, mais de lui me doutoie

Quë il ne m’enerbast se je li desfendoie.

10635

A Damas s’en ala li fel la droite voie,

10637

Et je pris .i. message, aprés lui l’envoioie

1 v^o d

Droitement a Damas, et au bon roi mandoie

Qu’il se gardast d’Eracle, el faire n’en pooie.

10640

Mais li glous se hasta qui Diex doinst male goie,

Nuit et jor chevaucha, et que vous en diroie ?

Tost ot fait son malice, dont li cuers me gramoie ;

A tart i vint li més que jou i trametoie,

Car Eracle encontra lés une sapinoie,

10645

Qui dist a mon message ja mar me cremiroie

Del bon roi Godefroi, car ja mais nel verroie,

Ne Bauduïn son frere, delivrés en estoie.

Et mes més retorna, dont molt le laidengoie,

Mais il me dist l’afaire, et quant tels mos ooie,

16550

Molt par en fui dolans, se jamais Diex me voie,

Durement en plorai et grant duel en menoie,

Mais bien vi qu’el duel faire noient ne conquestoie.

Fors de la cambre issi et mon grant duel laissoie,

La roïne esgardai ou tous biens monteploie,

10655

Por la beauté de lui durement l’enamoie.

La dame et le roiaume tant forment covoitoie

Que ma gent assamblai si com mains hom foloie,

A Jherusalem ving, car vraiement quidoie

Que vous fuissiés ocis, et por chou m’apensoie

10660

Que vers homme vivant noient ne forfaisoie.

Entrer quidai chaiens, mais fol pensé avoie,

Car la roïne dist que ja n’i entreroie ;

Forment me laideigna, dont molt me corrouchoie,

Dont fis tendre mes trés, la cité assegoie

10665

Et se jurai Jhesu que mais n’en partiroie,

S’avroie la cité, mais47 je m’en parjuroie.

Quant je soi vo venue dont pas ne me gardoie,

Tous en fui esbahis, tantost me deslogoie,

A Cesaire la bele tantost m’en retornoie.

10670

Mais, par Dieu le poissant qui tous les biens envoie,

Ains ne fis traïson ne je ne le feroie

Por.lx. roiaumes, ne ne m’en melleroie.

Mais, s’Eracles fust ci, tantost l’apeleroie

De ceste traïson, et si m’en combatroie

10675

Cors a cors en .i. camp, et se li proveroie

Qu’il enerba le roi, dont no gent affebloie,

a

Car onques mieudres princes ne vesti dras de soie.

10677

Dit vous ai verité, par saint Florent de Roie.

– Certes, dist Bauduins, drois est c’on vous en croie ».

Dist Hues Duedequins48 : « Sor tous sains jureroie

10680

Qu’il a dit verité, qui c’onques le mescroie,

Car de grant loiauté le conte plegeroie.

Se g’iere que del roi, Eracle manderoie

2 r^o a

Quë il venist a cort, se li demanderoie

Por coi a mort le roi et si l’assaieroie :

10685

S’il connissoit le murdre, tot errant l’arderoie

Dedens .i. fu d’espines, ensi en ouvreroie

Et en tele maniere mon frere vengeroie ».

Quant Bauduïns l’entent, bonement s’i otroie.

Bauduïns49 li rois d’Acre les barons demanda

10690

Molt debonairement, et por Dieu lor proia

Que, s’il sevent Eracle, qu’il ne li choilent ja.

Bauduïns de Beauvais, qui le Serpent tua,

a

Est salis en estant quant le roi escouta,

Et li a dit : « Bons rois, entendés a moi cha !

Hier le laissai a Acre, par Dieu qui tot forma,

10695

Forment me mervillai quant il a moi vint la ;

.viii. jors i a esté k’ains ne s’en remua.

– Hé Diex, ce dist li rois, com mal gloton i a !

Mon frere a enerbé, qui de fin cuer l’ama,

a

Onques si mals traïtres sor ceval ne monta.

10699

Mais, se Dieu plaist de gloire, par tans le comparra ! »

10700

Li rois prist .i. message, a Acre l’envoia,

Eracle le felon isnelement manda,

10702

Et li més est montés, le congié demanda,

a

De Jhersalem issi, vers Acre s’adrecha ;

10703

Tant ala chevauchant qu’en la cité entra,

Dusc’al maistre palais sa resne ne tira.

10705

Au perron descendi, en la sale monta,

Et a trové Eracle qui se sejornoit la.

Li més vint devant lui et si s’agenoilla,

Dit li a son message ensi c’on li rova,

Et dist que Bauduïns de Rohais mandé l’a

10710

Droit a Jherusalem leu coronés sera ;

Mandé a son barnage et decha et dela

Qui li ont fait hommage, nus ne li refusa.

Quant Eracles l’entent, tous li sans li mua,

Et dist a soi meïsmes que nus ne l’escouta :

10715

« Las, com m’est mescheü ! cis caitis que fera ?

Bien sai que Bauduïns destruire me fera,

Car bien l’ai desservi, c’onques ne se mella

Nus hom de sifait murdre, ne jamais ne fera,

Quant le mien droit signor – qui tant honoré m’a

10720

Qu’il me fist patriarce et tant fort m’amonta

Qu’as consaus de ses cambres tot premiers me hucha,

L’onor quë il m’a faite, Diex, si mal emploia –,

Quant je l’ai enerbé, mais cier le me vendra

Rois Bauduïns, ses freres, qui tant de proece a50.

10725

Mais de ce me merveil quant onques escapa

2 r^o b

Del Bos de Belleem leu Lÿons le gaita ».

Lors a dit au message : « Amis, entendés cha :

N’est pas mors Bauduïns ? » et cil respondu a :

« Nenil, par ma foi, sire, onques ne devïa ;

10730

A ceste Ascencïon corone portera.

Quant il vint de Rohais, grans paines endura,

Car païen l’assalirent, qui Diex onques n’ama,

Et Lÿons li traïtres qui maint mal fait li a :

Molt perdi Bauduïns de sa gent qu’il guia,

10735

Mais en la pardefin Lÿon desbareta,

Et lui et ses .ii. fils ocist et decoupa,

10737

Son frere et ses. ii. oncles ocist et detrença,

a

Et tous ses Sarrasins ocist et lapida ».

10738

Quant Eracles l’entent, durement l’en pesa,

Lors dist a soi meïsmes, së a Jhersalem va,

10740

Que Bauduïns li preus tantost le destruira ;

Encusé51 l’a Tangrés, sa foi mentie en a.

Apensés s’est li glous qu’en la mer entrera52,

Par mer ira en Puille ou en France dela,

Ou outre en Alemaigne, si se desvoiera

10745

Quë hom qui le connoisse de lui parler n’orra,

En itele maniere sa vie sauvera.

Lors dist a l’autre mot que ja ne s’en fuira,

10748

Mais a Jherusalem tot maintenant ira ;

10749

S’on l’apele de murdre, son gage ploiera,

10751

Por soi faire loial en camp se combatra,

Molt est preus et hardis, bien se desfendera.

Lors dist a l’autre mot que recreans sera,

10754

Car Diex li ert nuisans et li tors quë il a.

10755

Eracles53 fu dolans, pensis et en54 esmai :

« Hé, Diex, ce dist li glous, Peres, que devenrai ?

Së a Jhersalem vois, grant folie ferai,

Bauduïns m’ocira, tot vraiement le sai.

Molt l’ai bien deservi quant son frere enerbai :

a

Ne me sai conseillier ne que faire porrai,

10760

Trop par fis grant folie quant ains me conseillai

A Tangré mon cousin vers qui je m’encusai,

Car il m’a encusé, par coi mort rechevrai.

Se je m’en vois fuiant, ja cele part n’irai

C’on ne me face querre tant que trovés serai.

10765

Je sui bons chevaliers et en moi grant force ai ;

S’on me met sus le murdre, mon gage ploierai,

Au roi et as barons tot plainement dirai

K’enerbé a Tangrés le roi au cuer verai,

Et qu’encontre son cors molt bien le <proverai>55

10770

En .i. camp arami vers lui me combatrai,

2 v^o c

10771

Et se je le puis vaintre, grant joie en averai,

Grant los et grant honor a tous jors conquerrai.

10773

Tangrés est molt hardis, car bien esprové l’ai

En maint pesant estor leu je le regardai,

10775

Molt est bons chevaliers, a paines meillor sai ;

Mais, se j’avoie droit ausi bien que tort ai,

Jou ne le douteroie une fueille de glai !

Li cuers me va disant que je le vainterai,

Et se je le puis vaintre, ma pais au roi avrai.

10780

Mais, par Dieu qui me fist, jamais ne finerai,

10781

Si l’averai ocis, car je56 l’enerberai,

10782

Car, se li rois est mors, nullui ne douterai ».

10783

Lors se leva en piés, n’i a fait lonc delai,

a

Sa gent fist aprester, puis monte el ceval bai.

10784

Eracles57 est montés qui li cors Dieu maldie,

10788

.c. chevaliers od lui qui sont de sa maisnie ;

10789

Droit vers Jherusalem ont lor voie aqillie.

10790

Tant chevaucha Eracles, il et sa compaignie,

Quë a Jhersalem vint la fort cité garnie ;

10792

Entresi qu’al palais li glous ne s’i detrie,

10793

Devant la tor descent qui grans ert et antie.

10794

Tous les degrés monta en la sale vautie,

10796

Et trova Bauduïn entre sa baronie,

Et le roi Corbarant et les rois de Nubie,

Et la france roïne qui ot a nom Florie,

Et ses .ii. fils od lui qui furent de Rousie.

10800

D’encoste le roi sist Hues de Tabarie,

Et d’autre part Raimons a la barbe florie,

<Et H>ues58 de Melans u li rois molt se fie,

Li quens Rotous del Perce qui n’ot pas coardie,

Quens Herpins de Boorges et dans Jehans d’Alie,

10805

Et dans Rambaus Cretons a la ciere hardie,

Bauduïns de Beauvais qui en Jhesu se fie,

Et Gerars de Gornay qui ot grant signorie59,

Et Richars de Caumont qui sot de l’escremie,

Le veske d’Oliferne qui molt sot de clergie.

10810

Le roi ont fait hommage la grans chevalerie.

Atant es vous Eracle qui la barbe rousie60 !

Le roi a salué basset a vois serie ;

Quant li rois l’a veü, tous li sans li formie,

Bien entent le gloton, mais ne li respont mie,

10815

Ains s’enbronça aval, s’a la ciere baissie ;

a

Une pieche pensa li rois chiere marie.

10816

Quant il se redrecha, a haute vois s’escrie :

10817

« Prendés me cel gloton, gent de bone lignie,

10818

Le plus mal traïtor qui onques fust en vie,

2 v^o d61

10819

Qui mon frere m’a mort par sa grant derverie,

a

Par sa grant traïson et par sa felonie !

10820

Sans mesfait l’enerba li leres par envie,

10821

Et s’estoit ses drois sires, qu’il li ot foi <pl>evie62,

Tant l’avoit amonté par sa grant cortoisie

Qu’il l’ot fait patriarce de sa cité antie ;

Le Crois et le Sepulcre li ot mis en baillie

10825

Et totes les reliques qui bien valent Persie,

a

Tant par l’amoit li rois, dont il faisoit folie,

b

Son conseillier ot fait del gloton par s< ?>ie :

c

Mal l’en a li traïtres la deserte merie

d

Quant onques l’enerba, trop fist grant dÿablie.

10826

Mais, par cel saint Signor qui tot le mont maistrie,

Jou le ferai ardoir <u metre en>63 poi boulie !

Ne <le> respiteroit l’onor d< ?>ie64,

<Li roiaumes de France ne tote Romenie>65 ».

10830

Quant <Eracles>66 l’entent, s’a la color cangie,

Dont vausist il bien estre as pors de Lombardie.

Nonporquant respondi anchois que nus l’en prie :

« Sire, dist il au roi, s’il est nus qui ce die

K’envers mon droit signor qui a la < ? ?>;ie

10835

Fesisse onques nul jor traïson ne boisdie,

Bien m’en ferai loiaus a m’espee forbie :

N’a si hardi François en terre de Surie

N’en France par dela tant com la mers tornie,

Se murdre me met sus, que jo ne l’en desdie ;

10840

Vers lui m’en combatrai a bataille aramie,

Vaincu le vous rendrai ains l’eure de complie ! ».

10842

« Sire67, ce dist Eracles, vous faites mesproison

10843

Quant vous me metés sus si mortel traïson,

10844

Mais, par cel saint Signor qui vint a Passïon

a

Ens en la Sainte Crois por no redempsïon,

10845

Onques par moi n’ot mal mes sires li frans hom,

10846

Godefrois li bons rois qui fu dus de Buillon68.

10855

Mais cil qui l’enerba est en cestui doignon,

Et s’il vous plaist, bons rois, je vous dirai son nom,

C’est quens Tangrés de Puille, qui est de grant renom,

Qui le roi enerba com traïtor felon,

Car il quida avoir sa terre et son roion,

10860

Et sa feme la gente Florie au cler menton,

10863

Et vous fist il gaitier au linage Mahon

El Bos de Bellehem, et au cuvert Lÿon :

10865

Bien quida li traïtres, par le cors saint Simon,

Que vous fuissiés ocis sans nule raanchon ;

10867

Por ce manda sa gent d’entor et d’environ ».

[…]