• 1 Cambio.
• 2 Grande coppola, cappello.
• 3 Mezza soletta, maschera di cuoio, nel gergo dei commedianti.
• 4 Coprono.
• 5 Calza posta sul capo a tenere ferma la maschera.
• 6 Bianco.
• 7 Non si arrende.
• 8 Nisciuno c’ ‘a sponta: nessuno lo supera.
• 9 Aumma aumma: alla chetichella.
• 10 Dietro.
• 11 Alza.
• 12 Corica.
• 13 Sveglio.
• 14 Brocca, anfora.
• 15 Così.
• 16 Voi.

1Me so’ scucciate !
Da nu juorno a n’ato cagne1 vita !
Voglie fa’ Pullecenella,
cu ‘o cuppulone2 e ‘a meza sòla3
ca cummògliano4 ‘a capa d’ ‘o sole.
Cazette ‘e monaca pe fa’ ‘a razzòla5,
vestuto janche6 e cu ‘e scarpe senza sola.
Voglie fa’ Pullecenella pecchè nun s’arrenne7,
acchiappa mazzate, ma nisciuno c’ ‘a sponta8.
D’ ‘o munno sano fa ‘o ruffiano pecchè ‘a panza
e’ ‘a primma sustanza.
‘A fatica ‘a va scartanne, sape che fa male
e s’alluntana aumma aumma9.
Voglie fa’ Pullecenella
che arreta10 ‘a maschera fa fesso ‘o putente,
l’unica legge che sape, è chella che le dice ‘a capa.
Se sose11 a miezejuorno e se cocca12 pure ‘o juorno,
e quando sta scetàte13, ‘o suonno suoje ‘o regala all’ate :
a Teresina che se vo’ spusà’, ‘o carabiniere che ‘o vo’ arrestà’,
‘a morte ca s’ ‘o vo’ piglià’, ‘a famme ca se fa sentì’…
Voglie fa’ Pullecenella, voglie fa’ ‘a vita alleramente,
liggera fresca e prufumata, suffrì’ nun serve a niente,
tienilo a mente, lassa sta’, chella gente mente.
Da ogge so’ Pullecenella,
canto, abballo e chiena ‘e vino tengo ‘a langella14.
Me piace ‘o sole, ‘o magnà’, ‘a vita,
io faccio accussì15, vuje16, comme vulite.